Vllaznia e Shkodrës fitoi derbin e madh në xhiron e parë të kampionatit në Shqipëri

Mbrëmë startoi sezoni i ri në Kategorinë Superiore të Shqipërisë. Ndeshja e parë e zhvilluar ishte ajo mes dy skuadrave që luajtën për titullin në sezonin e kaluar, kampionëve të Egnatias dhe nënkampionëve të Vllaznisë. Në duelin që u luajt në Shkodër, Vllaznia vendase shënoi fitore 2:0, raporton Klankosova.tv Gurishta realizoi në minutën e 18-të për 1:0, rezultat që qëndroi deri në pjesën e dytë kur ish futbollisti i Gjilanit, Bajrami dyfishoi epërsinë. Punët u vështirësuan edhe më shumë për Egnatian nga minuta 56 e tutje, atëherë kur me karton të kuq u ndëshkua futbollisti Daniel Wotlai. Sot luhen dy ndeshje të tjera: Bylis - Tirana dhe Elbasani - Flamurtari, kurse nesër takohen mes tyre Partizani - Vora. Ndeshja mes Dinamo City dhe Teutës është shtyrë sepse ekipi nga Tirana po luan në playoff të Conference League./Klankosova.tv