Vizitë nga mjekët amerikanë dhe ilaçe falas për qytetarët e Drenasit

Mjekë të përzgjedhur nga Amerika do të kryejnë kontrolle mjekësore dhe do të shpërndajnë barna falas për qytetarët e zonës së Drenasit.

Ekipa prej 40 mjekëve amerikanë, do të vendoset kësaj radhe për kontrolle të qytetarëve më datën 8 qershor në fshatin Komoran, njofton Klan Kosova.

Në lajmërimin e lëshuar bëhet e ditur se të drejtë vizite mjekësore nga ky ekipë kanë të gjithë qytetarët pa dallim moshe.

Vizitat do të realizohen nga ora 8.00 e mëngjesit e deri në orën 16.00. Të gjitha vizitat dhe barnat e përshkruara do ndahen falas për pacientët.

Ky aktivitet i ekipit mjekësor nga Amerika, është mundësuar nga Organizata Joqeveritare ''Kosovo Hope'' si dhe Drejtoria për Shëndetësi e Komunës së Drenasit, njofton Klan Kosova.