Vizita në Kinë, Putin thotë se do ta ketë në konsideratë udhëtimin e tij të parë në mandatin e ri

Presidenti rus, Vladimir Putin, ka thënë se do ta konsiderojë Kinën për udhëtimin e tij të parë jashtë shtetit gjatë mandatit të tij të ri presidencial.

Në një takim me fraksionet parlamentare dje, kreu i Partisë Komuniste, Genadi Zyuganov, i kërkoi liderit rus që të zgjidhte Pekinin për një udhëtim të parë.

"Shpresoj se vizita juaj e parë do të jetë në Lindje dhe jo në Perëndim. Shoku Xi Jinping po pret që ta vizitoni, ai e do shumë vendin tonë", citoi TASS të ketë thënë Zyuganov.

Putin premtoi se do ta konsideronte udhëtimin.

"Unë patjetër - pa shaka - do të marr parasysh atë që sapo thatë", u përgjigj Putin.

Gjatë fundjavës, Putin pretendoi një fitore dërrmuese në zgjedhjet presidenciale të Rusisë, por ishin një zgjedhje e menaxhuar nga skena që mund të kishte vetëm një fitues, shkruan Skynews, transmeton Klankosova.tv.