Vitia: Gjendja e 5-vjeçarit është stabile, ka filluar komunikimin

Ministri i Shëndetësisë Arben Vitia, ka folur sot rreth gjendjes shëndetësore të 5-vjeçarit nga Lipanit, i cili dyshohet se u keqtrajtua nga prindërit dhe tashmë po trajtohet në QKUK. Vitia pas mbledhjes së Qeverisë, tha se gjendja e tij është stabile dhe vogëlushi ka nisur të komunikojë. Megjithatë, sipas tij, shqetësimi në këtë rast është pjesa psiko-sociale e fëmijës, për shkak të ambientit abuziv ku ka jetuar, raporton Klankosova.tv "Sot është gjendja stabile, ka filluar pak edhe komunikimin verbal. Gjendja në aspektin shëndetësor, në kuptimin e mabrëvajtjes së punës, është mirë dhe po e merr veten shpejt. Ajo që na ka shqetësuar është pjesa psikosociale e fëmijës, i cili shihet se për shumë kohë ka qenë në një ambient toksik, mos të them komplet abuziv. Të gjithë parametrat i ka në rregull", u shpreh Vitia gjatë konferencës. Rasti i vogëlushit, ka tronditur opinionin në Kosovë, ku është kërkuar përgjegjësi institucionale. Derisa ditën e djeshme prindërve të 5-vjeçarit iu është caktuar masa e paraburgimit prej 30 ditësh./Klankosova.tv https://klankosova.tv/rasti-i-lipjanit-ministria-seshte-ne-dijeni-pse-qps-i-ktheu-femijet-te-familja/