"Vinte era tradhëti", tifozi dardan tregon për padrejtësinë në Rumani

Incidenti që ndodhi në Bukuresht, në ndeshjen e Kosovës kundë Rumanisë ka ngjallur reagime të shumta dhe më gjerë. Si shkak i thirrjeve raciste nga tifozët rumunë "Serbia, Serbia", kapiteni Amir Rrahmani u detyrua t'i tërhiqte nga fusha e lojës futbollistët dhe atë krejt në fund të takimit. Por, këto thirrje s'ishin të vetmet pengesa që nikoqirët ia bënë "Dardanëve". Disa nga tifozët e Kosovës që ishin mysafirë në programin e mëngjesit në Klan Kosova, treguan se çka ndodhi edhe gjatë hyrjes në stadium. Ata treguan edhe për padrejtësitë që iu bënë atyre. Njëri nga ta u shpreh se grupi i tifozëve nga Kosova u tradhëtua. Sipas tij, organizatorët me qëllim u munduan t'i detyronin ata që të bënin ndonjë skandal. https://www.youtube.com/watch?v=lOiju9hdnXU