Vikend i pasur me ndeshje të Superligës

Është kthyer në Superligë, dhe synon të bëj bujë. Në fakt këtë e bëri qysh në ndeshjet e para Liria, duke barazuar me dy skuadra që garuan në Evropë, madje pa gola kundër Dukagjinit dhe Dritës. Vetëm 1 me 0 e mposhti kampioni në fuqi Ballkani në javën e parë të Superligës. Tash, të paktën në letër, Liria pritet ta ketë më lehtë pasi përballet me Fushë Kosovën, skuadra që sivjet u ngjitën në Superligë. Kjo ndeshje zhvillohet të shtunën në Prizren dhe transmetohet në Artmotion nga ora 16:00. Ditën e njëjtë, Malisheva do ti matë forcat me Feronikelin ’74. Malisheva ka dy fitore e një humbje kurse Feronikeli dy humbje e një fitore. Të dielën, derbi kryesor zhvillohet në Podujevë mes Llapit dhe Prishtinës, që veç në Artmotion transmetohet edhe në Klan Kosova nga ora 16:00. Drita – Dukagjini është dueli tjetër shumë interesant që zhvillohet në Gjilan, ndërsa tjetra është mes Ballkanit dhe Gjilanit. Kujtojmë që Ballkani është kualifikuar për herë të dytë në UEFA Conference League.