Policia ka zbardhur pesë raste të vjedhjes në Tiranë.
Në pranga ka rënë një 57-vjeçar, i cili rezulton i dënuar më herët për vjedhje. Ai vidhte para nga kasafortat e bizneseve dhe të banesave.
Gjatë operacionit “Safe Box”, janë sekuestruar disa nga sendet e forta të cilat ky shtetas dyshohet se i përdorte për të hapur kasafortat.
Nga veprimet hetimore dyshohet se ky shtetas:
-më datë 16.02.2025, ka vjedhur 1200 euro nga kasaforta e një biznesi në rrugën “Abdyl Frashëri”;
-më datë 02.02.2025, ka vjedhur 300 000 lekë nga kasaforta e një subjekti në rrugën “Reshit Çollaku”;
-më datë 13.12.2024, ka vjedhur 370 800 lekë nga kasaforta e zyrës së një kompanie;
-më datë 10.11.2024, ka vjedhur një shumë të konsiderueshme parash në një banesë në Rrugën e Dafinave;
-më datë 19.09.2024, ka vjedhur një shumë parash në zyrat e një kompanie, në rrugën “Abdyl Frashëri”.
Gjatë kontrollit në banesën e 57-vjeçarit, shërbimet e Policisë gjetën dhe sekuestruan disa nga sendet që ai dyshohet se ka përdorur për hapjen e kasafortave.
Materialet procedurale i kaluan prokurorisë, për veprime të mëtejshme. /abcnews.al
●●●
EVSHKRIMI NGA
E V
Editorial nga Klan Kosova — ndjek lajme dhe zhvillimet e tjera kryesore të vendit.
