Victoria Beckham tregon me çka e 'çmend' bashkëshortin (VIDEO)

Victoria Beckham më në fund po e lanson kanalin e saj në YouTube. Dizenjatorja e modës e ka nisur me një video ku të gjithë ndjekësve të saj u ka treguar pamjen e dhomës ku ajo po qëndron gjatë udhëtimit në New York, për të lansuar koleksionin e saj Reebok. Ajo e ka pranuar se hallakama në dhomën e saj do ta ‘çmendte’ bashkëshortin e saj, yllin e futbollit David Beckham. “Tani mund ta shihni se pse unë e çmend bashkëshortin tim, ai është jashtëzakonisht shumë i rregullt. Në ndërkohë unë jam e fiksuar pas pastërtisë, gjithçka duhet të jetë shumë shumë e pastër, unë dezinfektoj gjithçka, por jam pak e çrregullt”, ka thënë ajo duke folur para kamerës. Madje ajo ka thënë se bashkëshorti i saj po ta shihte gjendjen në dhomës e saj do të pësonte ‘sulm në zemër’. Kanali i ri i Victoria Beckham besohet se do të lansohet së shpejti, transmeton Klan Kosova. Në ndërkohë, dizenjatorja e modës e kishte paralajmëruar një gjë të tillë në muajin nëntor të vitit 2018 duke e quajtur një “kapitull të ri” në jetën e saj.