Vetura godet për vdekje këmbësorin në fshatin Mazgit

Një person ka vdekur pasi është goditur nga vetura në fshatin Mazgit të Obiliqit.

Këtë e ka konfirmuar për Klankosova.tv zëdhënësi i policisë për rajonin e Prishtinës, Agron Borovci.

"Rreth orës 17:00 është pranuar informata për një aksident trafiku rrugor të ndodhur në rrugën magjistrale Prishtinë-Mitrovicë, respektivisht në fshatin Mazgit, me ç'rast një veturë ka përplasur një këmbësor. Si pasojë e aksidentit këmbësori ka humbur jetën”.

Borovci tha se njësia rajonale e trafikut ka dalë në vendin e ngjarjes dhe po ndërmerr veprimet e nevojshme për të kuptuar shkaqet e këtij aksidenti.