Vetëm 5 vjeçar por Himnin kombëtar e këndon me zemër (VIDEO)

Në mesin e mbi 22 mijë tifozëve në "Air Albania", edhe ky vogëlush ishte për ta parë nga afër Shqipërinë ndaj Gjeorgjisë. Ajani 5 vjeçar, i cili në stadium ishte me babain e tij, nënën dhe motrën, fjalë për fjalë e di përmendësh Himnin kombëtar, të cilin edhe e këndon me krejt fuqinë e tij, njofton Klankosova.tv. Para se të fillonte sfida e vlefshme për Ligën e Kombeve, Ajani me babain e tij, Drilonin, po zhurmonin bashkë me gjithë tifozët në stadium, duke e interpretuar Himnin e Flamurit. Familja Bardhi nga Gjakova, janë mbështetës "fanatikë" të Kombëtares së Shqipërisë, sikurse edhe të Vëllaznimit. Në një prononcim për Klankosova.tv, ditë më parë, babai i Ajanit tregoi se djali i tij nuk bën asnjë kompromis, kur bëhet fjalë për skuadrat e zemrës, të cilat vazhdimisht i shikojnë në stadium e palestër. Njejtë sikurse Himnin, vogëlushi i di përmendësh edhe vargjet e këngës së Ilir Shaqirit “Gjakovë lulja e gjakut”, të cilën me krejt forcën e interpreton në sallën e sporteve "Shani Nushi", kur Vëllaznimi luan basketboll. [caption id="attachment_2374779" align="alignnone" width="204"] Drilon Bardhi me të birin, Ajanin, në palestrën e sporteve "Shani Nushi" në Gjakovë[/caption] https://www.youtube.com/watch?v=aJqTafmNmeU