Vetëdorëzohet në polici i dyshuari për plagosjen në Kukës

Një 29-vjeçar është plagosur me armë zjarri pas një konflikti për motive të dobëta në Kukës. Është bërë e ditur se i plagosuri ndodhet në spital dhe është jashtë rrezikut për jetë, raporton Euronews.al, transmeton Klankosova.tv. Ndërkaq, rreth orës 21:00, 25-vjeçari, i dyshuari kryesor për këtë ngjarje, është vetëdorëzuar në polici së bashku me armën e zjarrit, që mendohet se është përdorur në rastin e sotëm. “Nën drejtimin e Prokurorisë, vijojnë hetimet për zbardhjen dhe dokumentimin e plotë të rrethanave të kësaj ngjarjeje”, thuhet në njoftim.