Vështirësi në furnizimin me ujë për shkak të reshjeve, KRU Prishtina del me njoftim

Ujësjellësi Rajonal Prishtina, ka njoftuar se si pasojë e reshjeve të mëdha të shiut dhe për shkak të nivelit shumë të lartë të turbullirave në kanalin Ibër Lepenc, fabrika e ujit në Shkabaj është jashtë funksionit.

Dhe për këtë arsye, zonat që do të mbesin pa ujë janë:

●Fushë Kosova;
●Drenasi;
●Obiliqi;

●Një pjesë e lagjes Kalabria/ Prishtinë.

"Për orarin e reduktimeve njoftoheni në vijim", thuhet në njoftim, transmeton Klankosova.tv.

"Gjithashtu, ndikime dhe reduktime të furnizimit priten edhe në zona të tjera të kryeqytetit. Ekipet tona janë në terren dhe po monitorojnë situatën vazhdimisht. Furnizimi do të rikthehet menjëherë sapo të stabilizohen parametrat në kanalin furnizues. Ju kërkojmë ndjesë qytetarëve për shqetësimet e shkaktuara nga natyra. Ndërsa, me ITU Albanik dhe Badoc jemi duke trajtuar ujë me kapacitet maksimal".