Vërshime në Zajm të Klinës, intervenon Shoqata e Kërkim-Shpëtimit nga Istogu (VIDEO)

Në fshatin Zajm të Klinës, të reshurat atmosferike kanë shkaktuar jo pak dëme.

Sipas pamjeve që Klankosova.tv ka pranuar, shihet se shtëpi të ndryshme janë vërshuar nga uji.

Ndërkaq, gazetarja e Klan Kosova, Altiana Zogaj, ka raportuar se Shoqata e Kërkim-Shpëtimit nga Istogu ka dalë në terren në Klinë, për të intervenuar.

Pjesëtarë të kësaj shoqate kanë vendosur shirita për të shenjëzuar zonat me rrezikshmëri të lartë.

Pos Klinës, edhe komuna tjera të vendit janë përballur me vërshime ditën e sotme, si Gjakova, Rahoveci, Juniku, Malisheva e të tjera.