Vera Wang thotë se veshjet e dizajnuara nga ajo nuk janë ikonike

Dizenjatorja Vera Wang është në industrinë e modës tash e 40 vjet. Ajo ka klientë si Michelle Obama, Victoria Beckham, Jennifer Lopez dhe Ivanka Trump. Por, ajo mendon se nuk e ka arritur maksimumin e suksesit të saj. “Unë gjithmonë mendoj se çfarë mund të bëj më mirë. Ndoshta unë mund të jem më kreative dhe mund të bëj gjëra edhe më të mëdha”, ka thënë ajo për Page Six. Në ndërkohë që të tjerët i përshkruajnë veshjet e Wang si ‘ikonike’, vet ajo mendon ndryshe. “Unë mendoj se ato mbesin në mendje ndonjëherë, por nuk janë ikonike. Fjala ‘ikonike’ është fjalë shumë e madhe”, ka deklaruar ajo.