Vepra e Berit Backer "Prapa mureve të gurit" vjen në gjuhën shqipe

Libri i sapobotuar i antropologes norvegjeze, Berit Backer, "Prapa mureve të gurit: Ndryshimet në organizimin e familjes te shqiptarët e Kosovës", promovohet sonte nga ora 17:00 në librarinë Dukagjini, në Prishtinë. Berit Backer është antropologia e parë e huaj në Kosovë, e cila qëndroi për vizitë të gjatë studimore në Kosovë (në fshatin Isniq) 50 vjet më parë, gjatë vitit 1974-1975 dhe studioi organizimin shoqëror të shqiptarëve. Vepra në fjalë është mbrojtur si tezë e masterit në Universitetin e Oslos, në vitin 1979. Këtu përshkruhet jeta familjare e farefisnore shqiptare, struktura botëkuptimore kanunore dhe shumë aspekte praktike e rituale të jetës në shoqërinë shqiptare të Kosovës. Pos, tjerash një dokument i jashtëzakonshëm i kohës dhe një referencë emblematike e antropologjisë perëndimore mbi Kosovën. Kjo temë është botuar si libër në vitin 2003 dhe në vitin 2015, në gjuhën angleze, me shkurtime. Për herë të parë vjen në gjuhën shqipe në formë të plotë, me fotografi të përzgjedhura nga Ann Christine Eek, fotografia që erdhi me Beritën në Isniq, me redaktim dhe hyrje të antropologut Tahir Latifi dhe me përkthim të Enes Lekiqit, transmeton Klankosova.tv.