Vende të BE-së, të shqetësuara me legjislacionin hungarez që synon personat LGBTQ+

Mbi 10 vende evropiane pritet të lëshojnë një deklaratë ku thonë se janë “thellësisht të shqetësuar” për legjislacionin hungarez që synon personat LGBTQ+, sipas një drafti të parë nga Reuters të hënën, transmeton Klankosova.tv. Parlamenti i Hungarisë miratoi legjislacionin në mars për të ndaluar marshimin vjetor të Krenarisë atje dhe për të lejuar policinë të përdorë kamera njohjeje të fytyrës për të identifikuar njerëzit që marrin pjesë. Parlamenti gjithashtu miratoi ndryshime në prill të cilat përcaktojnë në kushtetutë se Hungaria njeh vetëm dy gjini, mashkull dhe femër. “Jemi shumë të alarmuar nga këto zhvillime që bien ndesh me vlerat themelore të dinjitetit njerëzor, lirisë, barazisë dhe respektit për të drejtat e njeriut”, shkruan nënshkruesit, të cilët përfshijnë vende si Holanda, Republika Çeke, Finlanda dhe Suedia. Një zëdhënës hungarez nuk iu përgjigj menjëherë një kërkese për koment me email. Në draft-deklaratën, nënshkruesit i bënë thirrje Hungarisë të rishikojë masat. Ata gjithashtu i kërkuan Komisionit Evropian “të përdorë me shpejtësi të plotë mjetet e sundimit të ligjit që ka në dispozicion në rast se këto masa nuk rishikohen në përputhje me rrethanat”. /Klankosova.tv