Vëllai i Xherdan Shaqirit: Kemi pritur 20 vjet për ndeshjen Zvicër - Kosovë (VIDEO)

Ari Shaqiri, vëllai i futbollistit të kombëtares së Zvicrës, Xherdan Shaqiri, para ndeshjes, ka folur në një intervistë për Klan Kosovën. Ai tha se kanë pritur 20 vjet për ndeshjen Zvicër - Kosovë. Vëllai i Xherdanit theksoi se kjo ndeshje është sikur kur luajnë "vëllai i madh me të voglin". "Kemi emocione të mëdha. Mezi kemi pritur për këtë lojë. Biletat janë shitur që një muaj. Kam pasur shumë pyetje për biletat. Që 20 vjet kemi pritur për këtë lojë. Emocionet janë më të mëdha sesa që e kam paramenduar. Po i shoh shumë shqiptarë, pozitivë e të buzëqeshur, duke pritur mezi që të nisë loja. Është një lojë sikur "vëllai i madh me të voglin". "Unë besoj që është shumë i gëzuar që luan kundër Kosovës, që luan me vëllezërit e tij, që shumicën prej tyre i njeh, që ka luajtur me ta edhe në Basel. Unë besoj që ka shumë emocione, emocione pozitive. Është kënaqësi. Unë gjithë jam për vëllanë. Besoj se Zvicra. Edhe pse uroj që të bëhet një barazim, për të qenë mirë në të dyja anët. Loja është miqësore. Sonte në Zurich, Zvicra dhe Kosova kanë luajtur baras 1:1. Në stadiumin "Letzigrund" të parët kaluan në epërsi "Dardanët" nëpërmjet Milot Rashicës. Ai pasi shënoi gol e bëri shqiponjën me duar. https://www.youtube.com/watch?v=BljFDruJmS8