Veliu: Vaksinat janë një mjet shumë efektiv dhe parandaluese të sëmundjeve

"Vaksinat janë një mjet shumë efektiv për parandalimin e sëmundjeve edhe brenda familjes, dhe nëse nuk i marrim vaksinat sipas kalendarit të vaksinimit dhe ekspozohemi ndaj patogjenëve të këtyre sëmundjeve atëherë shendeti i fëmijëve është në rrezik". Kështu u shpreh, Bekë Veliu, zyrtari për shëndetësi dhe partneritet  nga UNICEF, i ftuar në emisionin "Familja ime" me Mirjeta Morina. Veliu theksoi se është shumë e rëndësishme që t'i përmbahemi kalendarit të rregullt të imunizimit dhe Institutit Kombëtar të Shëndetësisë ku specifikohen dozat në bazë të moshave të caktuara.