“Vehabisti u vra në përleshje me policinë në afërsi të Novi Pazarit”, thotë Daçiq

Ministri i Punëve të Brendshme të Serbisë, Ivica Daçiq, ka thënë se mbrëmë në fshatin Hotkovë, afër Novi Pazarait, është vrarë vehabisti Senad Ramoviq-Beçan, i cili gjatë arrestimit , sipas tij ka rezistuar dhe ka shtënë në drejtim të policisë.

“Ramoviq ka refuzuar të dorëzohet gjatë arrestimit dhe ka gjuajtur tre apo katër të shtëna në drejtim të policisë”, ka thënë Daçiq, siç raporton MPB-ja e Serbisë, transmeton Klankosova.tv.

MPB e Serbisë raporton se Daçiq ka deklaruar se Ramoviq nuk është arrestuar në shtëpinë e tij në Hotkovë, por në shtëpinë e afërt të kunatit të tij Aldin Birçoviq nga Novi Pazari, i cili aktualisht është duke vuajtur dënimin me burg në Nish.

Ai shtoi se Ramoviq i ka rezistuar edhe policisë gjatë kontrolleve të mëparshme, shkruan Radio Evropa e Lirë në gjuhën serbe, transmeton Klankosova.tv.

Ministri i Brendshëm tha se Ramoviq ishte në arrati pas sulmit terrorist para ambasadës izraelite në Beograd në qershor dhe se në një moment fshihej në Kosovë.

“Ky aksion është vazhdimësi e veprimeve të kryera pas aktit terrorist para ambasadës izraelite në Beograd”, tha Daçiq.

Daçiq shtoi se operacioni për arrestimin e Ramoviqit është kryer në koordinim me Agjencinë për Siguri dhe Informacion të Serbisë (BIA), Ministrinë e Punëve të Brendshme (MPB) dhe Prokurorinë e Lartë Publike në Novi Pazar.