Vdiq pionieri i dizajnit grafik në Kosovë, Shyqri Nimani

Ka ndërruar jetë artisti dhe profesori i artit, Shyqri Nimani. Lajmin për vdekjen e ka bërë të ditur i biri i tij, Agon Nimani, përmes një shkrimi në Facebook, njofton Klan Kosova. Më poshtë mund ta lexoni njoftimin e plotë të tij: Shyqri Nimani njihet si pionier dhe si njëri prej themeluesve të departamentit të dizajnit grafik në Akademinë e Arteve në Prishtinë, ku edhe punoi si profesor deri në pensionimin e tij. Për shkak të profesionalizmit të tij dhe karrierës së gjatë, atij iu besua që ta shkruajë me kaligrafi deklaratën e Pavarësisë së Kosovës e cila u shpall më 17 shkurt në Kuvendin e Kosovës. Ai ishte edhe muzikant, artist vizual dhe njohës shumë i mirë i historisë dhe trashëgimisë kulturore. Shyqri Nimani ka ndërruar jetë në moshën 82-vjeçare. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS.

klankosova.tv