Vdes shkrimtari amerikan, Philip Roth

Në moshën 85 vjeçare ka vdekur Philip Roth, njëri nga shkrimtarët më të mëdhenj amerikanë. Ai ka vdekur pas një sulmi në zemër, shkruan New York Times. Shkrimtari amerikan ka shkruar më shumë se 30 libra gjatë karrierës së tij 50 vjeçare, transmeton Klan Kosova. Disa nga veprat e tij më të njohura janë: “Ankesa e Portnoit” dhe “Letra e peshkopit amerikan”, me këtë të fundit edhe fitoi çmimin Pulitzer në vitin 1997. Në vitin 2010, ka publikuar librin e tij të fundit me titullin “Nemesis”, ndërsa dy vite më pas më 2012, tha se do t’iu japë fund shkrimeve, sepse e ka humbur pasionin për një gjë të tillë. Romancieri Philip Roth ka lindur më 19 mars 1933 në New Jersey. Ai është diplomuar në unversitetin Bucknell në vitin 1954. Në vitin 1959 ka fituar çmimin “National Book Award me librin Goodbye Columbus. “Ankesa e Portnoit” është libri i tij më i shitur dhe është përfshirë si një ndër 100 librat më të mirë të shek XX i botuar në vitin 1969. Roth ka marrë çmime edhe me “Sabbath’s Theatre”. Roth është rebeluar shpesh ndaj faktit që atë e cilësonin si shkrimtari më i mirë hebre që është gjallë. “Kjo gjë më inatos jashtë mase. Do të doja të më konsideronin si një prej shkrimtarëve më të mirë amerikanë në gjallje”, ka thënë ai në një prej intervistave të tij të shkurtra. Disa nga veprat e tij të përkthyera edhe në gjuhën shqipe janë: “Martesë me një komunist”, “Ankesa e Portnoit”, “Del hija” dhe “Inati”.