Vdes Rexhep Hoxha, autor i librave "Verorja" dhe "Lugjet e Verdha"

Pas një sëmundje të shkurtër ka ndërruar jetë në moshën 90 vjeçare shkrimtari Rexhep Hoxha. Lajmin për vdekjen e tij e kanë bërë të ditur familjarët në rrjetet sociale, njofton Klan Kosova. Në mesin e librave të njohura që ai kishte shkruar për fëmijë ishin: "Verorja" dhe "Lugjet e Verdha". Pos këtyre të fundit ai shkroi edhe librat si: "Gjethe të reja", "Picimuli", "Zëri i pyllit" dhe "Ermali" Rexhep Hoxha lindi në vitin 1929 në Gjakovë. Shkollën fillore dhe te mesmën i kreu në vendlindje, ndërsa Albanologjinë e studioi në Beograd. Një kohë punoi redaktor i "Rilindjes për fëmijë" në emisionin për fëmijë të Radio Prishtinës, ndërkaq shumë vite e ligjëroi lëndën Letërsi për fëmijë në Shkollën e Lartë Pedagogjike të Prishtinës.