Vdes Pete Frates, njeriu që ishte inspirim për Ice Bucket Challenge (VIDEO)

Pete Frates, njeriu që ishte inspirim për sfidën e kovës me akull (Ice Bucket Challenge) për të mbledhur para për të luftuar sëmundjen vdekjeprurëse neurologjike Skleroza Laterale Amiotrofike (ALS) ka vdekur. “Sot, në parajsë është edhe engjëlli jonë: Peter Frates. Bashkëshorti i Julie, babai i Lucy, djali i John dhe Nancy, vëllau i Andrew dhe Jennifer, Pete ka ndërruar jetë i rrethuar nga familja e tij e dashur, paqësisht në moshën 34 vjeçare pas një beteje heroike me ALS”, thuhet në njoftimin e familjes. Ish-ylli i bejsbollit të Kolegjit të Bostonit u diagnostikua me sëmundjen progresive e njohur si Skleroza Laterale Amiotrofike (ALS) dhe sëmundjen e Lou Gherig, në vitin 2012, kur ishte 27 vjeç. Dy vjet më vonë, ai ishte iniciator i sfidës me kovën me akull që arriti të mbledhë dhjetëra miliona dollarë për të zhvilluar hulumtime lidhur me këtë sëmundje. Sfida e kovës me akull (Ice Bucket Challenge), në të cilën njerëzit regjistronin video duke derdhur kovën me akull mbi kokat e tyre përpara se të sfidonin edhe njerëz të tjerë të bënin një veprim të njëjtë, u bë jashtëzakonisht virale në verën e vitit 2014 duke bërë që të njëjtën sfidë ta realizojnë edhe shumë persona të famshëm./ Klan Kosova https://www.youtube.com/watch?v=whs1eXQ3HU4 https://www.youtube.com/watch?v=XS6ysDFTbLU https://www.youtube.com/watch?v=yOX6JF9gABU https://www.youtube.com/watch?v=zuFytc9YLDs https://www.youtube.com/watch?v=BM1dl5M6ES4 https://www.youtube.com/watch?v=qgqsgXSJ7g8 https://www.youtube.com/watch?v=bLBG16GUp6E