Ka humbur jetën një person në automjetin e përfshirë nga zjarri në hapësirën e një pike karburanti në fshatin Babush.
Këtë e ka konfirmuar për Klankosova.tv zëdhënësi i Policisë për rajonin e Ferizajt, Kanun Veseli, i cili ka thënë se një person, që ishte brenda në automjet, ka humbur jetën. Teksa një person tjetër që ishte në marketin e kësaj pike karburanti ka marrë lëndime trupore.
''Sot, rreth orës 17:40, Policia Rajonale e Ferizajt ka pranuar një informacion se në rrugën magjistrale Ferizaj -Prishtinë, në hapësirën e një pike karburanti në fshatin Babush, një automjet i udhëtarëve me targa vendore është përfshirë nga flaka'', është shprehur Veseli.
''Për pasojë, një person, që ishte në automjet, ka humbur jetën. Ndërsa një person tjetër, që ishte në marketin e kësaj pike karburanti, ka marrë lëndime trupore dhe është dërguar në Prishtinë për trajtim mjekësor''.
"Të gjitha njësitet e nevojshme janë në vendin e ngjarjes. Policia, në koordinim me Prokurorinë Themelore të Ferizajt, i ka nisur hetimet. Për informata shtesë do të informoheni me kohë!"
https://youtu.be/zTfwgTDY3IE
https://klankosova.tv/perfshihet-nga-zjarri-nje-veture-ne-nje-pike-karburanti-ne-magjistralen-prishtine-ferizaj-video/
●●●
LISHKRIMI NGA
L I
Editorial nga Klan Kosova — ndjek lajme dhe zhvillimet e tjera kryesore të vendit.
