Vdes një pushues 60-vjeçar në plazhin e Velipojës

Një person rreth moshës 60-vjeçare është mbytur sot në plazhin e Velipojës. Ai ka humbur jetën teksa po lahej në plazh. 60-vjeçarin ende të paidentifikuar e ka nxjerrë uji në breg dhe më pas është konstatuar nga pushues të tjerë të cilët menjëherë kanë njoftuar autoambulancën e Velipojës dhe policinë, raporton TopChannel, transmeton Klankosova.tv. Dyshohet se 60-vjeçari ka pësuar një atak kardiak duke humbur jetën në mënyrë të menjëhershme. Sipas burimeve nga vendngjarja për afro 15 minuta trupi i pajetë ka qëndruar mbi ujë sepse pushuesit e tjerë nuk e kanë ditur se ishte mbytur derisa uji e nxori në breg. Është rasti i dytë brenda pak kohësh pas humbjes së jetës të një shtetase të Shqipërisë, Drande Marku pak ditë më parë e cila po ashtu u mbyt në plazhin e Velipojës teksa ndodhej brenda në ujë duke pësuar goditje në zemër.