Vdes një 54-vjeçar në Shqipëri, dyshohet se e mori rrjedha e ujit

Prej tre ditësh, në shumë zona Shqipëria vijon të jetë e përmbytur për shkak të reshjeve të dendura të shiut, duke shkaktuar dëme të konsiderueshme. Këtë të enjte është regjistruar edhe viktima e parë nga moti i keq, raporton Top Channel, transmeton Klankosova.tv. Një 54-vjeçar në Durrës u gjet pa shenja jete në një kanal kullues në afërsi të ish-repartit Ushtarak. Paraprakisht dyshohet se viktima A. H. është marrë nga rrjedha e ujit.