Autoritetet e Belgjikës të martën thanë se një vazjë 12 vjeçare ka vdekur nga koronavirusi, duke shtuar se ajo ishte viktima më e re nga 700 vdekjet e regjistruara në vend.
Zëdhënësi i Qendrës së Krizave Kombëtare, Emmanuel Andre, tha se është një moment i vështirë emocionalisht që të jep deklaratën, sepse përfshin një fëmijë dhe se kjo ka shqetësuar edhe komunitetin e mjekëve dhe shkencëtarëve.
"Ne po mendojmë për familjen dhe miqtë e saj. Ishte një ngjarje që është shumë e rrallë, por një vdekje na shqetëson shumë", shtoi Andre.
Asnjë detaj i mëtejshëm për vajzën nuk u dha gjatë konferencës për shtyp.
Sipas Andre, 98 njerëz kanë vdekur nga koronavirus gjatë 24 orëve të fundit, duke sjellë numrin e përgjithshëm të vdekjeve në 705 në vendin e rreth 11.5 milionë njerëzve.
Belgjika ka konfirmuar 12,705 raste deri më tani.
●●●
ABSHKRIMI NGA
A. BA
Editorial nga Klan Kosova — ndjek lajme dhe zhvillimet e tjera kryesore të vendit.
