Vdes ish ushtari i UÇK-së, Lushtaku: Mbajti me dinjitet shumë plagë të lirisë

Kryetari i Skenderajt, Sami Lushtaku ka njoftuar për vdekjen e ish-ushtarit të UÇK-së, Xhemë Rexhepi. Përmes një postimi në Facebook, Lushtaku tha se Rexhepi ishte luftëtar i tri luftërave dhe për mbi 18 vjet jetoi si invalid duke mbajtur me dinjitet plagët e lirisë, raporton KlanKosova.tv. "Xhemë Rexhepi ishte luftëtar i tri luftërave dhe për mbi 18 vite jetoi si invalid, duke mbajtur me dinjitet shumë plagë të lirisë. Ai nuk u dorëzua kurrë, mbeti gjithmonë i fortë, duke u kthyer në shembull për bindjet e tij të palëkundura", shkruan Lushtaku. Postimi i plotë: Me dhimbje e mërzi të thellë mora lajmin për ndarjen nga jeta të bashkëluftëtarit tonë, Xhemë Rexhepi. Më 6 Prill ishim bashkë për t'i uruar ditëlindjen, duke kujtuar sakrificat dhe rrugëtimin e tij, pa e ditur se ajo do të ishte hera e fundit që do ta takoja. Xhemë Rexhepi ishte luftëtar i tri luftërave dhe për mbi 18 vite jetoi si invalid, duke mbajtur me dinjitet shumë plagë të lirisë. Ai nuk u dorëzua kurrë, mbeti gjithmonë i fortë, duke u kthyer në shembull për bindjet e tij të palëkundura. Sot humbëm një bashkëluftëtar të madh dhe një njeri që i dha shumë atdheut. Kujtimi për të do të mbetet i përjetshëm, ashtu sikurse kontributi i tij për lirinë që e gëzojmë sot. Ngushëllimet më të sinqerta familjes, bashkëluftëtarëve, miqve dhe dashamirëve. Lavdi jetës dhe veprës së tij! SL