Vdes i burgosuri në Dubravë

Një person i burgosur ka vdekur sot në Qendrën Korrektuese të Dubravës, kanë bërë të ditur Shërbimi Korrektues i Kosovës dhe Departamenti Shëndetësor i Burgjeve.

Sipas njoftimit në Facebook, i burgosuri me inicialet K.N. është gjetur në gjendje të rëndë në Pavijonin D, ku janë të vendosur personat me nevoja të veçanta, raporton Klankosova.tv. Menjëherë pas evidentimit të rastit, zyrtarët korrektues dhe personeli mjekësor kanë ofruar ndihmën e parë dhe e kanë transportuar të burgosurin për trajtim në Spitalin Rajonal të Pejës. Megjithatë, pavarësisht përpjekjeve të stafit mjekësor, ai nuk ka arritur t’u mbijetojë plagëve dhe ka vdekur. Pavarësisht përpjekjeve të stafit korrektues dhe personelit mjekësor, i burgosuri ka humbur jetën.

"Lidhur me rastin janë njoftuar Policia e Kosovës dhe prokurori kompetent. Shërbimi Korrektues i Kosovës dhe Departamenti Shëndetësor i Burgjeve kanë iniciuar procedurat hetimore dhe administrative për sqarimin e plotë të rrethanave të rastit”, thuhet në njoftim./Klankosova.tv