Vdes Gordon Moore, bashkëthemeluesi i kompanisë Intel

Pionieri dhe filantropi i Silicon Valley, Gordon Moore ka vdekur në moshën 94-vjeçare në Haëaii. Moore filloi të punojë me gjysmëpërçues në vitet e ‘50ta dhe bashkëthemeloi Korporatën Intel, shkruan BBC, përcjell Klankosova.tv. Ai parashikoi në mënyrë të famshme se fuqitë e përpunimit të kompjuterit do të dyfishoheshin çdo vit - më vonë rishikuar në çdo dy vjet - një pasqyrë e njohur si Ligji i Moore. Ai "ligj" u bë themeli për industrinë e procesorëve kompjuterikë dhe ndikoi në revolucionin e PC-së. Dy dekada përpara se të fillonte revolucioni kompjuterik, Moore shkroi në një letër se qarqet e integruara do të çonin "në mrekulli të tilla si kompjuterët e shtëpisë - ose të paktën terminalet e lidhur me një kompjuter qendror - kontrollet automatike për automobilat dhe pajisjet e komunikimit portativ personal". Ai theksoi në një artikull të tij të botuar në vitin 1965, se falë përmirësimeve teknologjike numri i transistorëve në mikroçipe ishte dyfishuar afërsisht çdo vit që kur qarqet e integruara u shpikën disa vjet më parë. Parashikimi i tij se kjo do të vazhdonte u bë i njohur si Ligji i Moore dhe ndihmoi që prodhuesit e çipave të synonin kërkimet e tyre për ta bërë këtë realitet. Pas publikimit të artikullit të Moore, çipat e memories u bënë më efikase dhe më pak të kushtueshme me një ritëm eksponencial. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS.