Ka vdekur edhe personi i gjashtë pas të shtënave në një qendër mirëqenieje për të rinj në Gjermani
Katër gra janë mes gjashtë personave që kanë humbur jetën pas sulmit me armë zjarri në qytetin Stade, në veri të Gjermanisë, ka bërë të ditur policia gjermane.
Sipas autoriteteve, katër gra dhe një burrë janë qëlluar për vdekje brenda objektit, ndërsa një person i gjashtë ka ndërruar jetë më vonë në spital si pasojë e plagëve të marra. Të gjitha viktimat raportohet se ishin të rritur, raporton
BBC, transmeton Klankosova.tv.
https://klankosova.tv/tragjedia-ne-gjermani-pese-personat-u-vrane-te-nje-qender-e-te-rinjve-dalin-pamjet/
Policia gjermane ka njoftuar më herët për BBC se dy persona janë arrestuar, përfshirë edhe të dyshuarin kryesor për sulmin, ndërsa më vonë është bërë e ditur se një person i tretë po hetohet në lidhje me rastin, transmeton Klankosova.tv.
https://klankosova.tv/policia-qelloi-mercedesin-me-te-cilin-po-iknin-si-u-kapen-autoret-e-sulmit-ne-gjermani/
Autoritetet kanë theksuar se nuk ekziston ndonjë kërcënim i mëtejshëm për publikun, pas ngjarjes së rëndë që ndodhi të hënën në perëndim të Hamburgut. Mediat gjermane raportojnë se në momentin e ngjarjes në qendër ndodheshin gra dhe fëmijë.
Sipas policisë gjermane, të shtënat janë raportuar rreth orës 12:10 sipas kohës lokale (10:10 GMT), ndërsa patrullat policore janë dërguar menjëherë në vendin e ngjarjes.
Më pas, policia ka konfirmuar se “vrasje me viktima të shumta” kanë ndodhur në një “objekt të mirëqenies së të rinjve” në rrugën Dankersstrasse. Zona është rrethuar menjëherë dhe është vendosur prani e madhe e forcave policore, ndërsa qytetarëve u është bërë thirrje të shmangin zonën.
Autoritetet kanë bërë të ditur gjithashtu se ka edhe persona të plagosur, por pa dhënë detaje të mëtejshme.
Në vendngjarje janë parë një numër i madh i forcave policore dhe ekipeve emergjente, të cilët kanë punuar për sigurimin e zonës dhe hetimin e rastit.
Ndërkohë, transmetuesit gjermanë ZDF dhe RTL raportojnë se sipas një zëdhënësi të qytetit, fëmijët në një çerdhe dhe një shkollë fillore pranë zonës kanë qenë brenda objektit gjatë kohës së sulmit dhe më pas janë marrë nga prindërit e tyre./Klankosova.tv
