Vdes 11-vjeçarja në Shtime, ra aksidentalisht nga ballkoni i katit të katërt  

Një 11-vjeçare në Shtime ka vdekur, pasi ka rënë aksidentalisht nga ballkoni i katit të katërt të një ndërtese.

Këtë rast tragjik e ka konfirmuar për Klankosova.tv zëdhënësi i policisë për rajonin e Ferizajt, Kanun Veseli.

“Sot rreth orës 14:35 në rrugën ‘Shaqir Tershani’ në Shtime një person i gjinisë femër D.M., e moshës 11-vjeçare, aksidentalisht ka rënë nga ballkoni i një ndërtese, kati IV. Për pasojë, viktima ka ndërruar jetë”.

Veseli ka treguar se me vendim të prokurorit rasti është cilësuar si “Hetim mbi vdekjen”.

“Me vendim të prokurorit kujdestar, trupi i pajetë dërgohet në Institutin e Mjekësisë Ligjore (IML) për obduksion, ndërsa rasti është cilësuar 'Hetim mbi vdekjen'”.

Klan Kosova jozyrtarisht merr vesh se ngjarja tragjike ka ndodhur pasi vogëlushja kishte hipur mbi një karrige, duke tentuar që të varë diçka lart.