Vdekjet në vendin e punës, Azemi: Familjarët po mbesin në mëshirën e askujt

Kryetari i Sindikatës së punëtorëve në sektorin privat, Jusuf Azemi në një intervistë për Klankosova.tv ka ngritur shqetësimin e mungesës së kompensimit dhe përkujdesjes institucionale për familjarët e viktimave që humbin jetën në vendin e punës. "Në shumicën e rasteve ne këta punëtorë i vrasim për herën e dytë. Një verdikt i cili duhet të pritet për 8 vjet dihet se çka mund të ndodhë. Në shumicën e rasteve punëtorët e vdekur e humbin po them në një formë të drejtën, pasi ata që kanë shkuar në amshim nuk mund të zgjohen dhe nuk mund të interferojnë te gjykatësit apo diku tjetër, shumicën e rasteve familjet e tyre nuk përfitojnë asgjë. Qeveria e Kosovës ka obligim ta ketë një fond të veçantë ku rastet e tilla duhet të financohen për një periudhë të caktuar, sepse familjet përpos që kanë humbur më të dashurin ata po humbin edhe një mbështetje financiare për familjen dhe në momentin kur këta punëtorë po vdesin, familjarët po mbesin në mëshirën e askujt", përfundoi Azemi. Derisa dje u shënua 1 Maji Dita e Punëtorëve, në Kosovë në javët e fundit janë raportuar disa raste ku punëtorët kanë humbur jetën në rrethana aksidentale në vendin e punës. Në anën tjetër në bazë të statistikave nga Sindikata e Punëtorëve të Sektorit Privat bëhet e ditur se në tremujorin e parë në Kosovë kanë humbur jetën 9 persona./Klankosova.tv. https://klankosova.tv/alarmante-9-vdekje-per-tre-muaj-kerkohen-masa-urgjente-per-sigurine-e-punetoreve-111/