Vdekja e 26-vjeçarit në Prizren, policia e arreston edhe një të dyshuar

Policia e ka arrestuar edhe një person në lidhje me rastin e 26-vjeçarit, i cili u ther për vdekje në orët e vona të së shtunës, në lagjen Bazhdariane të Prizrenit. 29-vjeçari, H.B, dyshohet për disa vepra penale si "Lëndim i rëndë trupor", "Mosdhënia e ndihmës" dhe "Moslajmërimi i veprave penale apo kryesve te tyre". I dyshuari është shoqëruar në Sektorin Rajonal të Hetimeve në Prizren, ku në prani të avokatit mbrojtës është intervistuar. "I dyshuari, ka qenë në dijeni për veprën penale si dhe kryerësin e veprës penale, i njëjti nuk e ka lajmëruar veprën penale si dhe kryesin e saj, po ashtu nuk i ka ofruar ndihmë viktimës. Në lidhje me rastin në cilësinë e provave materiale është sekuestruar një automjet me targa vendore, pronë e të dyshuarit H.B. Në lidhje me rastin është njoftuar prokurori i shtetit i cili ka udhëzuar që i dyshuari të ndalohet për 48 orë. Rasti po hetohet nga njësiti i hetime te sektorit rajonal ne Prizren", thuhet në njoftimin e policisë transmeton Klankosova.tv Lidhur me rastin më herët ka raportuar edhe Klankosova.tv https://klankosova.tv/se-shpejti-kerkesa-per-paraburgim-per-shtetasin-turk-qe-dyshohet-se-theri-per-vdekje-26-vjecarin-ne-prizren/ https://klankosova.tv/ky-eshte-i-dyshuari-qe-theri-per-vdekje-26-vjecarin-ne-prizren/ https://klankosova.tv/vdes-26-vjecari-qe-u-ther-mbreme-ne-prizren/