Vazquez: Çdo ekip do të donte Neymarin

Pas pjesëmarrjes në Javën e Lojërave të Madridit të enjten, Lucas Vasquez foli për rënien e formës së Real Madridit, njofton Klan Kosova. 27-vjeçari ka folur gjithashtu edhe për thashethemet që e lidhin ekipin madrilen me yllin brazilian Neymar. I diplomuari i akademisë së Los Blancos beson se ekipi mund të kthejë situatën e tyre negative dhe gjithashtu tha se sulmuesin e Paris Saint-Germanit do ta dëshironte çdo ekip. "Është shumë shpejt të flitet për nënshkrime. Ne kemi atë qe kemi tani dhe pastaj shohim. Neymar është një lojtar i madh një yll botëror që çdo ekip do ta donte atë”, ka thënë spanjolli. Në edicionin e kaluar në La Liga, Vasquez është paraqitur 33 herë për ekipin mbretëror, duke shënuar 4 gola dhe duke asistuar 7 herë.

klankosova.tv