Vazhdon tradita në Kamenicë, maturantët përcillen me veshje kombëtare

Nxënësit e shkollës së mesme, “Ismail Qemajli”, në Kamenicë po vazhdojnë traditën e tyre shumëvjeçare. Bëhet fjalë për mbrëmjen e maturës, e që nxënësit në klasën e 10 ose të 11, i përcjellin maturantët me veshje kombëtare e me flamurin e Kosovës e të Shqipërisë, njofton Klankosova.tv. Kësisoj vepruan Oltion Hyseni e Eljesa Demolli, të cilët folën rreth kësaj në emisionin e Klan Kosovës, Kosova Today. Ishte Oltioni ai që tregoi për këtë traditë disa vjeçare. “Kjo është traditë që moti në Kamenicë. Është traditë që dikush më i vogël, që nuk është maturant me dal dhe me e mbajt flamurin e Kosovës dhe të Shqipërisë me veshje kombëtare”, tha Oltioni. Ndërsa Eljesa nuk e mohoi që në natën e maturës së saj, nuk do t’i veshte rrobat kombëtare.