Vazhdon shkëlqimi i “Minatorëve” ndaj Prishtinës edhe në çerekun e tretë

Trepça po e vazhdon shkëlqimin në ndeshjen e dytë gjysmëfinale ndaj Prishtinës, duke e fituar edhe çerekun e tretë. “Minatorët”, çerekun e tretë e fituan me rezultat 26:16, për ta rritur edhe më shumë epërsinë e përgjithshme, duke e çuar në 17 pikë, pasi rezultati aktual është 69:52 Në 10-minutëshin e tretë ndeshja u ndërpre për disa minuta, pas një shtyrje të Donte Clark të Prishtinës ndaj lojtarit të Trepçës, njofton Klankosova.tv. Pas kësaj ndërhyrjeje, gjyqtari i dha gabim teknik Clarkut të Prishtinës, ndërsa atmosfera në sallë u tensionua paksa. Kështu, gjyqtari i ndeshjes i çoi të dyja skuadrat në dhomat e zhveshjes, për t’i kthyer të njëjtit disa minuta më vonë. Ndeshjen e parë gjysmëfinale e ka fituar Prishtina me vetëm dy pikë epërsi, 67:65.