Vazhdohen masat emergjente për furnizimin me energji, Rizvanolli: S’ka shqyrtim të tarifave

Seanca e Kuvendit të Kosovës për situatën me energjinë elektrike ka përfunduar me votimin e masave të reja emergjente për furnizim. Nga 92 deputetët e pranishëm në sallë, 65 kanë votuar pro vazhdimit të këtyre masave, njofton KlanKosova.tv. Kjo është hera e shtatë që kuvendi merr vendim për masa emergjente. Ministrja e Ekonomisë, Artane Rizvanolli, gjatë fjalës së saj në seancë ka deklaruar se nuk ka proces të shqyrtimit të tarifave sa i përket çmimit të rrymës.