Nga Kremlini deklaruan se presidenti amerikan, Donald Trump nuk ishte i vetmi person me tw cilin kreu i shtetit rus foli në telefon sot, duke theksuar se Vladimir Putini bisedoi sot edhe me Papa Leon XIV, raporton Skynews, transmeton Klan Kosova.
Vatikani ka thënë se Papa i kërkoi Rusisë që të ndërmarrë një hap për të mbështetur paqen në luftën e saj me Ukrainën.
Ai gjithashtu nënvizoi rëndësinë e dialogut në gjetjen e zgjidhjeve për konfliktin.
Nuk është hera e parë që Papa i ri flet për luftën në Ukrainë. Në një nga përshëndetjet e tij të para për pelegrinët italianë, ai tha se mendimet e tij shpesh drejtohen te "populli ukrainas i prekur nga sulme të reja serioze kundër civilëve dhe infrastrukturës".
●●●
EVSHKRIMI NGA
E V
Editorial nga Klan Kosova — ndjek lajme dhe zhvillimet e tjera kryesore të vendit.
