Lajmet e fundit
Eurokomisioneri Oliver Varhelyi thotë se Shqipëria është gati për të hapur negociatat dhe për të nisur Konferencën e Parë Ndërqeveritare.
Së bashku me kryeministrin e Shqipërisë, Edi Rama, ku inspektuan në Vlorë By Passin, investim i financuar edhe nga Bashkimi Europian, Verhelyi u shpreh se java e ardhshme është vendimtare.
“Shqipëria është gati për të filluar negociatat me Konferencën e Parë Ndërqeveritare dhe nuk ka dyshim që Shqipëria ka bërë çdo gjë për të arritur tek Konferenca e Parë Ndërqeveritare. Kam shpresa që java e ardhshme do jetë ajo javë që ne kemi kaq kohë që presim. Ne duhet të mbajmë premtimet, të japim rezultatet”, deklaroi Varhelyi.
Ndërkohë, sa i përket debatit që po zhvillohet në Maqedoninë e Veriut për të pranuar ose jo propozimin francez që i hap rrugë heqjes së vetos bullgare, Kryeministri Edi Rama u shpreh se nëse kjo nuk pranohet nga pala maqedonase, Shqipëria do të kërkojë ndarjen nga Maqedonia e Veriut për procesin e negociatave me BE-në.
“Nëse rezultati nuk do të jetë pozitiv, ne të nesërmen menjëherë do kërkojmë ndarjen e dosjes së Shqipërisë nga dosja bullgaro-maqedonase dhe ne jemi të bindur që Shqipëria duhet t’i çelë negociatat këtë vit pa diskutim. Të presim fundin e këtij debati maratonë që parashikohet të zhvillohet në Parlamentin e Maqedonisë së Veriut dhe pastaj të shikojmë hapin tjetër që do hedhim”, tha Kryeministri Edi Rama.
Sa i përket projektit të By Passit të Vlorë, eurokomisioneri Varhelyi përgëzoi autoritetet shqiptare për punën e bërë dhe deklaroi se këto vepra do t’u shërbejnë brezave të ardhshëm të Shqipërisë. Ndërkohë që premtoi se investimet dhe mbështetja e Bashkimit Europian për Shqipërinë do të vazhdojë me projekte të tjera.
“Shqipëria është një vend që vazhdon të më befasojë. Rruga për këtu vërtetë që më la shumë mbresa duke parë bregdetin por edhe duke gjithë këto punime që janë bërë këtu. Ju po ndërtoni Shqipërinë për brezin tuaj të ardhshëm. Këtu breza të mëparshëm nuk kanë dhënë rezultate që duhet të jepnin për ato që ka nevojë shoqëria moderne. Nuk ka ekonomi apo shoqëri pa ndërlidhje, pa rrugë tregtare. Dhe për këtë arsye ne kemi qenë tejet të qartë që prej fillimit që dëshirojnë të jemi të rëndësishëm duke sjellë mbështetjen tonë. Kemi bërë gjithë këtë punë, por kemi bërë në fakt në fund atë shtysën e fundit, pasi me të gjithë këtë punë që është bërë ne po ulim ndotjen e ajrit në qytet. Më parë janë dashur orë për të bërë 20 kilometra rreth qytetit, ndërsa tani i bie që kjo gjë i mbetet historisë. Shpresoj shumë që do ta lidhim këtë rrugë edhe me veriun që të kemi rrugë këto rrugë tregtie. Për ne ndërlidhja vazhdon të jetë edhe një nga çështjet më të rëndësishme që ka dalë nga plani i investimeve ekonomike. Kjo është pjesë e Korridorit 8 dhe jam shumë krenar për partnerët tanë që e kanë bërë këtë gjë të mundur. Shpresoj që kjo të jetë e para në gjërat që ne do të bëjmë së bashku jo vetëm sa i përket rrugëve, por hekurudhave, energjisë së gjelbër, ndërlidhjeve dixhitale. Kjo tregon edhe vlerën e madhe të planit të investimeve ekonomike. /tvklan.al/
