Vance për bisedimet Rusi - Ukrainë: Përfundimisht SHBA-të duhet të thonë se kjo nuk është lufta jonë

Shtëpia e Bardhë thotë se bisedimet midis JD Vance dhe Zelensky ishin "produktive". Përpara telefonatës së ardhshme të Trump me Putinin, zëvendëspresidenti i SHBA-së, JD Vance ka thënë se Uashingtoni e pranon se ka një "ngërç" në bisedimet lidhur me luftën në Ukrainë. "Mendoj se presidenti do t'i thotë Presidentit Putin: 'Dëgjo, a je serioz? A je i sinqertë me këtë?', u tha Vance gazetarëve në bordin e Air Force Two, ndërsa përgatitej të nisej nga Italia. “Putini nuk duket se e di tamam si të dalë nga lufta në Ukrainë”, tha Vance, duke shtuar se përfundimisht SHBA-të duhet të thonë se “kjo nuk është lufta jonë”. "Është lufta e Joe Biden, është lufta e Vladimir Putinit. Nuk është lufta jonë. Do të përpiqemi ta përfundojmë”, tha Vance. /Klankosova.tv