Vance paralajmëron Moskën për Ukrainën, i kërkon Evropës të shpenzojë më shumë për mbrojtjen

Zëvendëspresidenti amerikan JD Vance paralajmëroi Rusinë se Washingtoni mund të godasë Moskën me sanksione nëse nuk bie dakord për një marrëveshje të mirë paqeje me Ukrainën.

Ai gjithashtu iu kërkoi evropianëve të shpenzojnë më shumë për mbrojtjen ndërsa mbërriti në një konferencë ndërkombëtare të sigurisë.

Vance do të takonte presidentin ukrainas Volodymyr Zelensky të premten në margjinat e Konferencës së Sigurisë në Mynih pasi presidenti Donald Trump i befasoi aleatët e SHBA-së duke thirrur presidentin rus Vladimir Putin dhe duke njoftuar fillimin e bisedimeve për t'i dhënë fund luftës në Ukrainë, raporton Reuters, transmeton Klankosova.tv.