Van Gaal: Nuk jam diktator

Trajneri i Manchester United, ka thënë në konferencë për media, para ndeshjes me Liverpool, se ai nuk është një diktator, siç shpesh e cilësojnë, por një njëri shumë komunikues. Ai ka zbuluar se kapiteni i tij Wayne Rooney dhe zëvendëskapiteni Michael Carrick, e kanë këshilluar për ta ndryshuar strategjinë dhe ai e ka bërë, shkruan The Guardian, përcjellë Klan Kosova. Holandezi ka treguar se Rooney e Carrick i kanë thënë atij se lojtarët nuk janë ndjerë mirë me disa gjëra, dhe i kanë treguar për ankesat që lojtarët kanë rreth disa metodave menaxheriale të tij. Van Gaal ka thënë se ai e ka pranuar shumë butësisht kritikën dhe me anë të dialogut ka provuar ta ndryshojë qasjen aty ku ka pasur nevojë. “Po, e kam ndryshuar mënyrën sesi e paraqes planin e lojës para tyre”. “Tani unë u kërkojë këshilla dhe ata mund ta shfaqin versionin e tyre. Gjithsesi, shumica e strategjisë është e njëjta, sepse ata e pëlqejnë atë që unë ofroj”, ka thënë Van Gaal.

klankosova.tv