Vaksina kundër COVID-19, aprovohet doza e tretë e Moderna

Agjencia Evropiane e Barnave (EMA) deklaroi se një dozë e tretë e vaksinës Moderna për COVID-19 "mund të merret parasysh" te njerëzit e moshës 18 vjeç e lart. Vaksina deri tani është dhënë në dy doza me një distancë prej rreth katër javësh te njerëzit e moshës 12 vjeç e lart, shkruan Euronews, transmeton Klankosova.tv. Rregullatori evropian tha se të dhënat treguan se një dozë e tretë e dhënë gjashtë deri në tetë muaj pas dozës së dytë do të çonte në një rritje të antitrupave që mbrojnë kundër koronavirusit. "Rreziku i sëmundjeve inflamatore të zemrës ose efekteve të tjera anësore shumë të rralla pas një përforcuesi po monitorohet me kujdes," tha EMA, duke shtuar se ata do të vazhdojnë të vlerësojnë sigurinë dhe efektivitetin e vaksinës. EMA rekomandoi gjithashtu që një dozë shtesë e vaksinave Moderna dhe Pfizer COVID-19 t'u jepet njerëzve me sistem imunitar të dobësuar. Moderna njoftoi gjithashtu të hënën se vaksina e saj COVID-19 ishte e sigurt dhe efektive për fëmijët nga mosha gjashtë deri në 11 vjeç.