Vajzës njëmuajshe i refuzohet operacioni për shenjën në fytyrë, ja pse

Një foshnje e lindur me shenjë në fytyrën e saj ka nevojë për tre procedura kirurgjikale që kushtojnë më shumë se 11 mijë funte, por i është mohuar trajtimi në Shërbimin Shëndetësor Kombëtar (NHS). Vienna Brookshaw njëmuajshe lindi me shenjë e cila ka shtesë të qelizave të pigmentit beninj. Ato shfaqen si një shenjë e madhe e lindjes midis syve dhe ballit, e cila do të zgjerohet ndërsa koka e saj rritet. Viennës, e cila lindi me 6 prill në Spitalin York, i është thënë se nuk mund të marrë trajtim në NHS pasi shenja nuk ndikon në shëndetin e saj fizik, transmeton Klan Kosova. Por prindërit e saj besojnë se shenja e lindjes mund të ndikojë seriozisht në mirëqenien e saj mendore, raporton Yorkshire Live. Nëna Celine dhe babai Daniel, nga Yorkshire, kanë zgjedhur të marrin Viennën në Spitalin Portland në Londër për të bërë operacionin privatisht. Celine tha: "Vienna është një bebe e lumtur njëmuajshe e cila dashurohet pa kushte. Ne nuk do ta ndryshonim atë por është e rëndësishme ta heqim këtë para se ajo të fillojë shkollën”. Celine po merr pjesë në një mbledhje fondesh për të ndihmuar vajzën e saj. “Çdo para e mbledhur mbi shumën për trajtimin e Viennës do t'i dhurohet një organizate bamirësie për fëmijë. Ne do të ishim jashtëzakonisht mirënjohës për çdo donacion që do të ndryshojë jetën e vajzave tona”. Në anën tjetër, Uebfaqja e NHS thotë: “Një shenjë lindje mund të hiqet në NHS nëse ndikon në shëndetin e një personi. Nëse doni që një shenjë lindje të hiqet për arsye estetike, do të duhet të paguani për ta bërë atë privatisht”.