Vajza zbulon momentet emocionuese kur nga FaceTime i tha lamtumirë nënës para se të vdiste nga koronavirusi

Michelle Bennett nuk mund t'i qëndronte pranë në momentet e fundit të jetës, nënës së saj 75 vjeçare Carolann Christine Gann, e infektuar me koronavirus. "Nuk munda të jem atje dhe të mbaj dorën e nënës sime, t’i fërkoja kokën dhe t’i tregoja asaj gjërat që kam dashur t'i them. Ishte një ndjenjë kaq e pafuqishme'', është shprehur Bennett, njofton Klan Kosova. Bennett tregoi se një infermiere në Spitalin Suedez Issaquah në Washington e thirri atë nga celulari personal dhe tha që frymëmarrja e nënës së saj po ndryshonte dhe ndoshta mund të ndërronte jetë nga momenti në moment. "Unë po vendos telefonin përballë nënës tuaj në mënyrë që t'i tregoni asaj se e doni dhe t'i thoni lamtumirë. Nëna jote nuk do jetë vetëm, do qëndrojmë me të deri në fund", i kishte thënë infermierja Bennet. Bennet foli për rreth 10 minuta në FaceTime me të ëmën. Gjatë bisedës ajo zbuloi se marrëdhëniet me nënën  nuk i kishite shumë të mira si çdo marrëdhenie nënë-bijë që ndonjëherë edhe prishen. ''Unë të dua shumë, dhe të fal'', i thotë Bennet në telefon nënës. Siç shkruan CNN, pas kësaj nëna e Bennet ndërroi jetë, njofton Klan Kosova.