Vajza që si 15 vjeçare iu bashkua ISIS-it mund të kthehet në Britani për të luftuar për shtetësinë

Shamima Begum do të lejohet të kthehet në Britaninë e Madhe për të luftuar kundër vendimit për heqjen e shtetësisë, ka urdhëruar Gjykata e Apelit. Begum, tani 20 vjeçare, ishte njëra nga tri shkollarët që e lanë Londrën për t’iu bashkuar grupit të Shtetit Islamik në Siri në vitin 2015. Shtetësia e saj iu hoq nga Zyra e Brendshme pasi ajo u gjet në kampin e refugjatëve në vitin 2019. Gjykata e Apelit tha se asaj i është mohuar dëgjimi për shkak se s’ka mundur ta bëjë nga kampi. Zyra e Brendshme tha që vendimi ishte "shumë zhgënjyes" dhe se "do të kërkonte leje për të apeluar".