“Vajza që keqshfrytëzohen”, Ademi flet për përmbajtjen e grupeve të ngjashme me "Albkings" (VIDEO)

Gazetari Herolind Ademi ka folur lidhur me fenomenin e grupeve në aplikacionin Discord, ku shpërndahen përmbajtje intime të vajzave dhe përdoret për shantazh e keqshfrytëzim. Ai në emisionin “Kosova Today” theksoi se një vit pas dënimit të Florent Poroshticës me 21 muaj burg dhe 5 mijë euro gjobë si krijues dhe menaxhues i grupit “Albkings”, dhe shpalljes në kërkim të Edvin Nevzatit, fenomeni duket se po përsëritet me krijues të rinj, të cilët ndoshta duhet të ndëshkohen më shumë nga shteti. “Ata që e kanë krijuar, këta krijues të rinj që kanë krijuar këto grupe në Discord, do duhej të dënoheshin edhe më shumë, sepse përmbajtja është e njëjtë. Dyshimet janë se ka forma të shantazhit ndaj grave që publikohen aty. Aty shihet qartë se ka përmbajtje shumë private të vajzave që denigrohen dhe janë publikuar pa miratimin e tyre, viktima të cilat janë keqshfrytëzuar nga disa djem”,tha Ademi. https://youtu.be/EQQkZm1hCjg https://klankosova.tv/60-mije-burra-ribashkohen-online-per-te-ngacmuar-seksualisht-grate-video-1111/