Ushtria e Shteteve të Bashkuara ka vrarë pesë persona të tjerë pasi ka shkatërruar dy mjete lundruese në Oqeanin Paqësor, duke e çuar në të paktën 104 numrin e viktimave që nga shtatori, në kuadër të operacioneve kundër trafikimit të dyshuar të drogës.
Komanda Jugore e SHBA-së njoftoi se sulmet kinetike vdekjeprurëse u kryen në ujëra ndërkombëtare të Paqësorit lindor, me urdhër të Sekretarit të Mbrojtjes, Pete Hegseth. Tre persona u vranë në njërin mjet dhe dy në tjetrin.
Sulmet vijnë një ditë pas një operacioni të ngjashëm, ku u vranë katër persona të tjerë. Ushtria amerikane i ka cilësuar viktimat si “narco-terroristë”, por nuk ka paraqitur prova se mjetet e shkatërruara ishin të përfshira në trafik droge.
Operacionet amerikane kanë ngjallur reagime të forta në Amerikën Latine, ku udhëheqës dhe ekspertë ligjorë i kanë cilësuar sulmet si vrasje jashtëgjyqësore. Presidenti Donald Trump i ka justifikuar veprimet si të nevojshme për të frenuar trafikimin e drogës nga kartelët latino-amerikanë, veçanërisht ata me bazë në Venezuelë.
●●●
SZSHKRIMI NGA
Sh Z
Editorial nga Klan Kosova — ndjek lajme dhe zhvillimet e tjera kryesore të vendit.
