“Ura mbi të cilën kalon liria e Kosovës”, libri i ri i Demaçit

Në Institutin Albanologjik të Kosovës është promovuar libri i Adem Demaçit, veprimtarit të çështjes kombëtare. Demaçi librin e tij të ri e ka titulluar “Ura mbi të cilën kalon liria e Kosovës”, njofton Klan Kosova. Familjarët e Demaçit thënë se “gjendja e tij shëndetësore është stabile”, por se ai nuk ka mundur të jetë vetë në promovim, ndonëse treguan se ai ka qenë shumë i entuziazmuar me botimin e këtij libri. Demaçi mungoi, por aty ishin shumë miq të tij – deputetë, ministra, anëtarë të pozitës e opozitës, ish-të burgosur, familjarë e shumë të tjerë. Hydajet Hyseni, ish-kryetarë i Shoqatës së Burgosurve Politik ka thënë se Demaçi sot i bashkoi të gjithë ata përmes librit. Ndërsa ministri i Diasporës, Valon Murati tha se “secili komb e ka një bosht kurrizor, e Kosova e ka Adem Demaçin i cili ka qenë frymëzim për të gjitha gjeneratat”.

klankosova.tv